Granmoun Bébé

Souvnans po ‘’ Gramoun Bébé’’

Gramoun-Bebe.jpgGramoun Bébé la kit anou lo 22 févriyé 2005 lé na vé 78 tan. Pa tro koni si bann podiom Larénion, parkont li té koni dan lo milié maloya kabaré. In maloyèr tradision, li té yinm èt pré son famiy, li lès dèryèr li in gran zénérasion maloyèr. Kom Patrik Manent ou ankor kozman Ti Dalon son bann ti zanfan, fidèl gardyin lo patrimwane lésé par Louis Jules Manent. Mé nou wa di li la sobat po tyinbo nout kiltir. Maloya kabaré té roul an gadyanm son kaz. Garson in papa Kaf Malgas é in moman Malbarèz, li lo promié zanfan si inn famiy sèz zanfan. Famiy Manent i viv modès si térin Bénard, gran propriyétèr bitasion é lizine kane.

Gramoun Bébé la rès fidèl dann bitasion, li wa abit sikoté Balans Koko, Sinlwi, ousa li wa fé viv in tradision, ke li dékouv kan li néna 7 tan. Maloya sra alor son dada, lé kan li wa swiv son Papa ke li wa dékouv Kabaré. An 1951, alor ke li néna 24 tran, li wa tyinbo son promié sèrvis Kabaré. Antoupartou, li la tyinbo èk maloya tradisionèl, minm si lo sistèm kolonial é néo-kolonial fransé, la mèt dir in pé plis 70 zan…

Rapèl po zot konèt :

* Tout roprodiksion kopiaz, kiswa tèks, foto, fo domann lotorizasion lo rèsponsab lo Sitwèb.

Kiltir Larénion