Sèrvis malgas kaz Madam Baba

Omaz po bann zansèt

Madam Baba

In Sèrvis kabaré po rann omaz bann zansèt, la tyinbo samdi 24 zilyé 2010 sikoté Bwadnèf Koko Sinlwi. Madam Baba la invit domoun po kabaré zansèt la vé komans ti fénwar po fini ziska gran matin. Kome toulézan mwad zilyé an omaz po Granmoun Baba, gran maloyèr kabaré ke la désot lavi lo 12 désanm 2004, lo sèrvis kabaré Madam Baba i kontini sat bann zansèt té fé avan. Tradisyon kabaré zansèt, ousa i done bonpé lémosyon é lé pa tro koni dan nout péi, i armont lorizine lo pèpléman Larényon, lé lépok bann sérémoni malgas ke bann promyé zèsklav té sort sikoté Madagaskar la anminn èk zot si ti bout latèr Larényon.

Si tout domoun po pa dir tout, i koné ke sèrvis kabaré ou sèrvis malgas i pratik sa dan lakour, lo ti pé domoun i pratik pa sa la fine nir in sèrvis. Lo sérémoni i argroup angro aryink lo bann manm in minm famiy é bann dalon i koné azot byin. Bann pratikan i invit azot é roswa antrozot é ézit pa po fé lo tourlil po nir rann omaz zot zansèt.

Lé an souvnans é lomaz po bann zansèt ke lé fé bann sèrvis kabaré. Mé na ankor bonpé rénioné na in santiman lapèr pars zot i koné pa kosa i vé di rann omaz bann zansèt, lékol la zamé amontré so zarboutan nout kiltir.

Rédaksyon kiltir Larénion – Zilié 2010

Rapèl po zot konèt :

* Tout roprodiksyon kopiaz, kiswa tèks, foto, fo domann lotorizasyon lo rèsponsab lo Sit Wèb.

Kiltir Larénion