Créer un site internet

Souvnans po ''Lo Rwa Kaf''

Lo-Rwa-Kaf--Somin-Galize.jpegLé lo 26 zilié 2004 ‘’ Lo Rwa Kaf ’’ i désot la vi. Rédaksion kiltir Larénion i rann ali in lomaz atravèr in lartik po kontinié fé arviv son mémwar…

 

Li la vi lo zour lan 1921 18 novanm, Jérose Barivoitse, di Lo Rwa Kaf, dopi tan ti té touzour an kominion èk maloya. Son Gran Mèr, Malgas, la transmèt ali lo bann kadans lamizik zansèt, lo maloya, an plis ke sa lo Rwa té in kontèr. Lé dann zané 1940 ke li komans fé kadans son maloya é son kozman, ke li té sant déza dann bitasion. An maronaz kont akoz i interdi zwé é sant maloya si térin bitasion Groblan, li batkaré dann bann kartié, zané 1960 ziska 1980, po sant son maloya tradision kome kabaré. Lé apré 1981 ke li wa konèt bann podiom in pé partou èk son famiy. Promié maloyèr po ansèrv sipor disk CD avèk ‘’Somin Galizé’’, li wa konèt bann podiom koni, sikoté péi andéor. Li wa fé son dèrnié podiom an lan 2000. Son lalbom ‘’Tradision maloya’’  lé in zarlor koz pa koman, la pa bann domoun kalé dann maloya wa di lo kontrèr.

Mizisien inportan po lo maloya, Lo Rwa Kaf i yinm pa tro mèt ali an valèr. Travayèr bitasion dann kartié ‘’Trwa Frèr’’ sikoté Sint Sizane, lé la minm li wa grandi é fé grandi son famiy. Ziska zordi bann domoun la koni ali an rèspé i kontinié fé arviv son mémwar…

CD li la sorti : ‘’Somin Galizé’’ , ''Tradision Maloya''

Lo-Rwa-Kaf--Somin-Galize.jpeg

 

 

 

'' Lalbom Shemin Galizé''

Lo-Rwa-Kaf--Tradisyon-Maloya.jpeg

 

 

 

'' Lalbom Tradision Maloya''

Ala in tèks son mizik dosi lalbom ''Shemin Galizé'' 

Apav (Lo Rwa Kaf)

Siva Lakélon Ringon

Oustalida tourcatanpan

La kapitèn Langa

Vinbouli déléor

La aminn domoun

Lé fou dan la kour

Sé ki kontan manz dann gamèl

Alé volé manyok papa mizèr

Dan la zol néna lo pis

Néna pinèz ansanm lo pou

Makadam kilot laval

Kabay laval, sapo lapay

Apav la vol lo vèr krédipa

Apav la vol lo vèr

La pa kapab dansé mon ami don

La pa kapab dansé

La krèv laba minm.

Rapèl po zot konèt :

* Tout roprodiksion kopiaz, kiswa tèks, foto, fo domann lotorizasion lo rèsponsab lo Sitwèb.

Kiltir Larénion