Gato ti son

Sak i fo :

( po zanviron 10 moun )

- 250g Ti son

- 200g do sik

- 3 zèf

- 1 saché lévir

- 1 yaout natir

- 125g do bèr

- In ti pé do sèl

- In ti pé la vaniy

- In ti pé likèr

Manièr fé :

- Pran in gran bol é mèt lo sik

- Mélanz avèk lo zèf é razout san pèrd lo tan,

touzour an tournan, lo yaout natir, lo Ti son, la lévir,

lo bèr fondi, la vaniy é la likèr

- Zot i pé ranplas la vaniy par in larome zot soi

- Inn foi lo mélanz lé fé, pa tro dir pa tro tann,

mèt ali dan in moul béré

- Biensir avan sa i fo pa oubli sof lo four po mèt lo moul dodan

- Fé kuir inn «demi-heure» a 175° (sinon si lo bouton zot kizinièr mèt si le n°3)

- Po konèt si lé bien kui, pran in kouto é pik dodan –

si i kol pa lé kui.

Po zot konèt :

Ti-son, Lamsime : séla poud maï ; é avèk sa i fé gato

Osi zot i pé kuir ali dan in marmit kouvèr dosi la brèz.

Kiltir Larénion

Ajouter un commentaire